இயற்கை பிடித்திருக்கிறது
அதில் செயற்கை பிடிக்கவில்லை!
நிலவு பிடித்திருக்கிறது
அதன் கண்ணாமூச்சி ஆட்டம் பிடிக்கவில்லை!
நட்சத்திரம் பிடித்திருக்கிறது
அதன் தூறம் பிடிக்கவில்லை!
மழை பிடித்திருக்கிறது
அதில் நனைய பிடிக்கவில்லை!
காதல் பிடித்திருக்கிறது
அதன் லீலை பிடிக்கவில்லை!
நட்பு பிடித்திருக்கிறது
அதன் தெளரகம் பிடிக்கவில்லை!

தனிமை பிடித்திருக்கிறது!
அதில் கனவு பிடித்திருக்கிறது!
கனவில் கற்பனை பிடித்திருக்கிறது
அதில் காதல் பிடித்திருக்கிறது!
காதலில் என்னை பிடித்திருக்கிறது!!!!!!

-இளந்தமிழன்

ஒருவரின் குரல் போல
மற்றவர்க்கு அமைவதில்லை;

ஒரு இசைக் கருவிபோல்
பிறிதொரு கருவி இசைப்பதில்லை;

ஒருவரின் குணம் போல்
இன்னொருவர் இருப்பதில்லை;

ஒரு எழுத்தாளர் போல்
மற்றொருவர் சிந்திப்பதில்லை;

சிந்தனையையும் ஒருவர் போல்
இன்னொருவர் வெளிப்படுத்துவதில்லை;

எழுத்தாளர்கள் கருத்துக்களுடன்
வாசகர்கள் கருத்துக்கள் ஒன்றாய் இருப்பதில்லை;

எழுத்தாளர்கள் இதற்காக நாண வேண்டியதில்லை
வாசகர்களை குறை சொல்ல தேவையுமில்லை;

எழுத்தாளர்களும், வாசகர்களும்
அறிவைப் பகிர்ந்து கொள்ள வேண்டும்;

இலக்கிய வட்டத்தில் இருவரும்
தோழமையும் நட்புமாக வளம்பெற வேண்டும்!

-டாக்டர்.வ.க.கன்னியப்பன்

நீ கவிதையைக் கேட்டாய்
நான் காதலைக் கேட்டேன்
நீ உள்ளத்தைக் கேட்டாய்
நான் உதடுகளைக் கேட்டேன்
நீ பகல்களைக் கேட்டாய்
நான் இரவுகளைக் கேட்டேன்
நீ உணர்வுகளைக் கேட்டாய்
நான் உறுப்புகளைக் கேட்டேன்
நீ வாழ்க்கையைக் கேட்டாய்
நான் படுக்கையைக் கேட்டேன்
உதவாக்கரை என்றாய்
உதவிக் கொண்டோம் ஒருவருக்கொருவர்
பகிர்ந்து கொண்டோம் பாதிப் பாதி
மீதியிருப்பது நீயும் நானும்
கேட்க மறந்து பேதமிழந்து

-வையவன்